上學驚魂

今日老婆請左半日假，為左同喬喬一齊返學。 如果之前有睇文既話，都知道喬喬有少少分離恐懼，每一次同我地分離都會好傷心，爆喊。 我地為左消除佢既疑慮，由昨晚開始就同佢講，今日媽咪會陪佢返學，一齊坐校車。

 天下著毛毛細雨，喬喬興高采烈咁等車。

 

車來到，跟車姨姨熟練地把喬喬夾上車，過程如胡迪同巴斯俾人係三眼仔群中夾上來一樣。 媽媽連忙上車。。。。。。。

 跟車機械手：“唔好意思，今日家長唔可以跟車“ 說完後，校車即時反應：“boom！woo。。oooooo～“絕塵而去。

 媽媽連一句道別都無，喬喬就俾人車走左。 唔洗估都可以諗到，喬喬一定喊到飛起。 

我叫媽媽今日一定要去接喬喬，因為我地答應過既野一定要做。

所以放學果時，媽媽提早去劫車！

 

成功劫車後，喬喬開心到成個人high晒！係學校門示威,仲擺出黃飛鴻既雄姿！

今晚收到其他家長whatsapp，話喬喬係學校喊話好掛住媽咪。

頭先喬喬訓果時又同我講，佢今日返學喊，我只係同佢講左一句：“喊喊下就慣架啦。訓啦。“ 喬：“吓？習慣？咩來架？“說完，訓左。