2011年12月28日 星期三

母難日

以前,我不知道媽媽有多偉大。

因為我媽媽在我還未懂事前就離開了。

在我身邊,一直都只有人同我講,我的女麻女麻很偉大。 

直到我做左爸爸次後,親眼見到老婆對喬喬所做既事,我開始感受到媽媽真的很偉大。 

頭先睇人地FB,見到有篇文,內文寫孝順父母,不過太過吹淚,唔分享了。

反而最後一段分享余光中的文章好有意思。

好多年前我讀過呢篇文,不過當時無感覺,而家再讀,感覺唔同晒。希望我同太太可以陪住喬喬一直成長,經歷無盡的笑聲。 

余光中 <母難日>
我最忘情的哭聲有兩次
一次, 在我生命的開始
一次,在你生命的告終
第一次,我不會記得,是聽你說的
第二次,你不會曉得,我說也沒用
但兩次哭聲的中間啊 有無窮無盡的笑聲
一遍一遍又一遍 回盪了整整三十年
你都曉得,我都記得

2011年12月27日 星期二

第一次買玩具

今日,喬喬第一次要求我買玩具。

我同佢係百貨公司行緊玩具部既時候,佢企左係tomica個display booth度足足兩個字,個booth入面放左好多玩具車,佢個口不停咁講巴士,巴士。 

我起初以為佢見到巴士就講巴士啦,點知佢一直重複又重複,於是我問佢,你係唔係好中意巴士呀?

佢答我,好呀!

我再問佢,中唔中意消防車呀?

佢又答我唔中意。 

我同佢去收銀果度,要佢同收銀講,姐姐,唔該我想要巴士,佢又講到,於是我就買左俾佢啦。 

買左之後,佢由五點一直拎住部巴士到夜晚返屋企都無放手。

我同老婆都係第一次見到佢咁中意一件玩具。 

其間婆婆問佢借來睇下,佢竟然喊起上來添!

喬喬又再成長左!學識中意佢自己既玩具。

2011年12月16日 星期五

自由行

放左一個星期假陪喬喬,我做左一個中港自由行既遊客。去左海洋公園,迪士尼,昂坪360,坐天星小輪,去中環皇后像廣場。本來仲想去埋工展會,可惜時間唔夠

2011年12月15日 星期四

飲大左

今日狂CHER個仔一日,佢由一早10點半玩到夜晚9點都無訓過覺,到9點左右開始,佢就有“NUL“眼訓既跡像。。。但係。。。佢唔係發脾氣。。。而係好似飲大左咁。。。好熱情,好似好開心咁。。。不停咁係度講野,同埋係街四圍同人打招呼 (平時佢見到生保人,就會唔出聲)。。。仲要係街度大笑。。。@@ 返到屋企攪晒所有野之後。。。拍左數十下PAT PAT就係我個肚腩上面訓左。。。XD COOL!