2011年3月18日 星期五
喬喬，生日快樂！
阿仔，
上年既今日，你令我開始左爸爸呢份工。
多謝你，帶俾我同我老婆無數既爭吵。
多謝你，為我屋企帶來一個唔太得人歡心既姐姐。
多謝你，令我為左買奶粉而受盡折磨。
多謝你，令我今年坐的士多過晒我過去三十多年既人生。
多謝你，令我成日半夜起身。
多謝你，令我抱你抱到腰醱背痛。
多謝你，令我無再開過屋企既遊戲機。
多謝你，抓到我周身傷痕。
不過以上種種，都比唔上你第一次望住我笑果份喜悅。
都比唔上你第一次發出 DAD DAD既聲音，果一份驁喜。
仲有每一次係我懷中訓著果份溫暖（無錯，抱住你，你真係好暖）
仲有每一朝起身，見到你咪起對眼望住我笑果份心甜。
加上每一晚放工返來，一抱起你，你就會笑到成個人彈彈下，真係可以忘記晒工作上既唔開心。
仲有。。。。。。
祝你生日快樂，身體健康，將來做一個有用既人！
訂閱：
文章 (Atom)